أنا بشتغل .... !!!!

أنا بشتغل ...........



ده خبر ......



و لا سؤاااااااااااااااااااال ؟؟؟؟؟؟؟؟؟؟؟؟؟؟؟؟؟؟







السلام عليكم

إزيكم جميعا ......


أنا عارفه كويس إن بداية الموضوع ده غريبه شويه ...



أنا بشتغل ؟؟؟؟
ده سؤال علي فكره ..


أنا ممكن أكون بصحي كل يوم الصبح (أحيانا مبسوطه و أحيانا قرفانه ... عادي )
أخد بعضي و أنزل أروح الشغل ... عادي
أقعد علي مكتبي
و أفتح جهاز الكمبيوتر بتاعي ... اللي هو شغلتي الأساسيه
و أشوف ورايا إيه النهارده ..
و أشوف إيه الحاجات المطلوبه مني أخللصها
و أعمل حاجات و أدور علي حاجات و أخلص حاجات و أسيب حاجات
و اليوم يخلص
و أخد بعضي و أروّح
منهكه جداااااااااااااااااااااااااااااا
عقليا أكتر منه جسديا
من التفكير و إستهلاك طاقة الدماغ ...
و منهكه من المشوار و المواصلات
و ورايا ميت حاجه أعملها و أفكر فيها
و البيت عندي اللي عايزه أعمل فيه كذا و كذا
و ماما اللي عايزه كذا و بابا اللي عايز كذا
و انا عايزه أعمل كذا و كذا و كذا
ووووووووووووو

و في الاخر تنام عشان تصحي تاني يوم
تعمل نفس البرنامج ....





جميل ...



هل ده إسمه أني بشتغل ؟؟؟؟؟؟؟؟؟؟؟؟؟؟؟



فكر كويس قبل ما تجاوب ....





هو إيه الشغل أصلا ؟؟؟؟؟


إنت مش المفروض إنك بتشتغل دلوقتي ؟؟
و مش المفروض بتدور علي شغل ؟؟
أو لازم هاتدور علي شغل في يوم من الأيام ؟؟؟




طيب ..
فكر كويس أوي في السؤال ده


هو إنت دلوقتي بتشتغل ؟؟
بتشتغل فعلا ؟؟
و لا بتشتغل ظاهريا .... من برّه بس ؟؟؟؟؟؟



بتصحي كل يوم الصبح
و تنزل أو تنزلي الكليه أو الشركه للي فيكم إتخرج و بيشتغل زي حالاتي كده
و بتعمل البرنامج اليومي بتاعك ..



لكن هل إنت فعلا بتشتغل
ولا بتنزل تقضي روتينك اليومي من غير هدف
و من غير شغل حقيقي ؟؟؟؟



جاوب علي السؤال ده ..
إيه هو الشغل الحقيقي ؟؟
الشغل اللي يستحق إنك تنزل كل يوم من بيتك و تتبهدل و تبذل المجهود ده كله عشانه ؟؟؟




الشغل الحقيقي ..
هو اللي يعمل فرق في حياتك ..
هو اللي لما ترجع البيت تعبان و هلكان .... تلاقي نفسك مبسوط بالرغم من كده
لأنك تعبت في حاجه إنت عارف إنها هاتعمل فرق في حياتك
مش مجرد تقضية وقت أو روتين لا مفرّ منه ..


هاتقوللي ..
إيه الكلام الكبير ده ؟؟
ده إنا لسه طالب غلبان في الكليه علي أدي ؟؟؟


هاقوللك ..

غلط ....

الشغل هو الحاجه اللي إنت مشغول بيها في حياتك و بتعملها دلوقتي
سواء أنت لسه طالب أو بتشتغل في سوق العمل بجد زي حالاتي كده ....



صدقني ..
فكر كويس في الكلام اللي بقوله ده

كلنا بيعدي علينا وقت نبقي عاملين زي اللي ماشي في روتين يومي
بيصحي الصبح لحد ما ينام بالليل بيعمل أي حاجه
بيعمل العادي يعني
و خلاص
و اليوم يعدي و غيره و غيره
و السلام


المشكله بجد
إن ده من خلال تجربتي المتواضعه إنت أكثر عرضه إنك تعمله و إنت في موقفي كده بتشتغل
و بتنزل كل يوم شغلك
سواء إنت مبسوط أو لا
تعبان أو لا
مضايق
فرحان
قرفان
كل يوم في السنه شغل


لكن إنت دلوقتي
لسه طالب في الكليه
عندك أجازه و إتنين
تنزل أو ماتنزلش
براحتك ..

الموضوع عندك إنت أسهل بكتييييييير إنك ماتقعش في الغلطه دي ..




إسأل نفسك تاني ....


هوا أنا فعلا بشتغل ؟؟؟؟؟؟؟؟؟؟؟؟؟؟؟؟

فايرفوكس 3.5 الجديد

الخبر ده أنا قرأته النهارده الصبح في موقع وادي التقنيه ...

(( أخيرا أعلنت موزيلا عن إطلاق فَيَرفُكس 3.5 الذي تأخر كثيرا ،

يأتي فَيَرفُكس 3.5 بالعديد من المزايا الرائعة منها :

1- محرك جافاسكربت أسرع.

2- دعم وسوم الصوت و الفيديو التي ستأتي في معيار HTML 5

3- دعم خطوط الويب.

4- دعم وضع التصفح الخاص. ))

و ده طبعا خبر حلو جدا .. خاصة بالنسبه لمستخدمي الفيرفوكس زي حالاتي كده :)

أنا بستخدم الفيرفوكس كمتصفح للأنترنت من زماااان و حقيقي هو أفضل و أقوي متصفح إشتغلت عليه
كمية الأدوات Tools و الإضافات Plugins اللي فيه رهيبه .. ده بالإضافه إلي السرعه طبعا ..

ده غير إني من مستخدمي نظام التشغيل العبقري Linux .. فا أكيد هاستخدم معاه فيرفوكس
و من قبل كده كمان لما كنت شغاله علي ويندوز كنت برضه بستعمل الفيرفوكس نظرا لمميزاته الكتير اللي بتميزه عن الـ IE بتاع مايكروسوفت ده :D:D


و بالمناسبه الكلام عن البرامج الحره مفتوحة المصدر ..
الخبر ده أنا قرأته و لفت نظري جدا جدا ... نظرا لأنه بيتكلم عن مشكله كبيره إحنا - كحكومه مصريه - واقعين فيها و مش مدركين حجم خطورتها ..
الخبر أهه :

كوريا الجنوبية تتخلى عن إنترنت اكسبلورر

أعلنت كوريا الجنوبية أن خدماتها الإلكترونيه ستتوفر لمستخدمين متصفحي فايرفوكس و سفاري ، بعدما كانت حكرا على متصفح انترنت اكسبلورر ،

http://www.itwadi.com/node/1105
))

الموضوع بإختصار :

إن كوريا الجنوبيه أعلنت التخلي عن IE المتصفح الخاص ب مايكروسوفت .. بعد ما إكتشفت إن خدماتها كلها ممكن تبقي في مهب الريح لو شركه واحد (اللي هي مايكروسوفت) غيرت أو أعادت هيكلة التكنولوجيا المستخدمه ...

إحنا عندنا بالظبط نفس المشكله دي ..

بنعتمد علي ويندوز في كل المصالح الحكوميه و الوزارات ...
و دي مشكله كبيره جدا
و فوق كل ده .. تخيلوا كم المبالغ الخزعبليه اللي بندفعها عشان نشتري الترخيص أو الـ licence

لإستخدام الويندوز و كل تطبيقات مايكروسوفت .... كل ده في حين إن عندنا البدائل المجانيه مفتوحه للعالم كله !!!!

نفسي يبقي عندنا ثقافة الــ Open Source ونعرف أد إيه هو بيفتح لنا باب كبير للتطوير

و إن يبقي لينا القدره علي إنتاج التكنولوجيا و المساهمه فيها مش بس إننا نكون مجرد مستهلكين و حتي مش فاهمين اللي إحنا بنستهلكه ده شغال إزاي أصلا ..

شكرا :)