طلع الإنسان اللي جواك ...
بص له كويس ... إديله الفرصه إنه يخرج للعالم .. يخرج للنور ...
جوا كل واحد مننا إنسان جميل أوي .. طموح أوي .. طيب أوي .. بيحب الحياه و الناس أوي
لكن الحياه مش دايما بتدي الفرصه للإنسان ده إنه يخرج للنور ..
علي الأقل مش كله ..
أحيانا بنصطدم بعقبات و حاجات تخللينا نتراجع و يضطر الإنسان الطموح القوي اللي أحلامه مالهاش حد .. يضطر الإنسان ده إنه يستخبي شويه للأسف ..
أحيانا برضه بنتحط في مواقف تجبرنا إن الإنسان الطيب المتسامح اللي بيقدر ظروف و مشاعر اللي حواليه .. تجبرنا إننا نخبيه شويه
عشان كده يمكن بقيت تمشي في الشارع تلاقي الناس مكشره و متحفزه كأنها رايحه تتخانق .. و مجرد ما يحصل مثلا اي مواقف بسيط فيه شوية ذوق أو أخلاق تلاقي الإنسان الحلو اللي جواهم ظهر تاني
الإنسان اللي إضطروا يخبوه تحت ضغط خناقات الحياه اليوميه و معارك المواصلات و رغيف العيش .. إلخ
و بعدين ؟؟
ساعات بحس إننا ظلمنا الإنسان الجميل ده أوي .. خبينا منه ملامحه الحلوه ... خبينا منه جماله و قوته و حبه للحياه
لأ ..
انا مش عايزه أظلم الإنسان الجميل اللي جوايا و جوه كل واحد فينا تاني أبدا ..
أنا مش عايزه ظروف الحياه و المواقف اللي ممكن أصادفها تاخد حاجه أو تخبي حاجه من الإنسان الجميل ده ..
مش عايزاها تاخد حاجه من طموحاته و أحلامه و ثقته في الله سبحانه و تعالي ...
مش عايزاها تخبي حاجه من طيبته و تفاؤله و حبه للناس كلها ..
ماتخلليش الصعوبات اللي ممكن تواجهها في طريق أحلامك تخطف الحلم الجميل اللي حلم بيه الإنسان اللي جواك
ماتخلليهاش تخبي أجمل ما فيك .. إنسانيتك و أخلاقك و الحاجات الكويسه اللي فيك ..
بص له كويس ... إديله الفرصه إنه يخرج للعالم .. يخرج للنور ...
جوا كل واحد مننا إنسان جميل أوي .. طموح أوي .. طيب أوي .. بيحب الحياه و الناس أوي
لكن الحياه مش دايما بتدي الفرصه للإنسان ده إنه يخرج للنور ..
علي الأقل مش كله ..
أحيانا بنصطدم بعقبات و حاجات تخللينا نتراجع و يضطر الإنسان الطموح القوي اللي أحلامه مالهاش حد .. يضطر الإنسان ده إنه يستخبي شويه للأسف ..
أحيانا برضه بنتحط في مواقف تجبرنا إن الإنسان الطيب المتسامح اللي بيقدر ظروف و مشاعر اللي حواليه .. تجبرنا إننا نخبيه شويه
عشان كده يمكن بقيت تمشي في الشارع تلاقي الناس مكشره و متحفزه كأنها رايحه تتخانق .. و مجرد ما يحصل مثلا اي مواقف بسيط فيه شوية ذوق أو أخلاق تلاقي الإنسان الحلو اللي جواهم ظهر تاني
الإنسان اللي إضطروا يخبوه تحت ضغط خناقات الحياه اليوميه و معارك المواصلات و رغيف العيش .. إلخ
و بعدين ؟؟
ساعات بحس إننا ظلمنا الإنسان الجميل ده أوي .. خبينا منه ملامحه الحلوه ... خبينا منه جماله و قوته و حبه للحياه
لأ ..
انا مش عايزه أظلم الإنسان الجميل اللي جوايا و جوه كل واحد فينا تاني أبدا ..
أنا مش عايزه ظروف الحياه و المواقف اللي ممكن أصادفها تاخد حاجه أو تخبي حاجه من الإنسان الجميل ده ..
مش عايزاها تاخد حاجه من طموحاته و أحلامه و ثقته في الله سبحانه و تعالي ...
مش عايزاها تخبي حاجه من طيبته و تفاؤله و حبه للناس كلها ..
ماتخلليش الصعوبات اللي ممكن تواجهها في طريق أحلامك تخطف الحلم الجميل اللي حلم بيه الإنسان اللي جواك
ماتخلليهاش تخبي أجمل ما فيك .. إنسانيتك و أخلاقك و الحاجات الكويسه اللي فيك ..
هناك تعليقان (2):
على فكرة فعلا دى الطريقة الوحيدة اللى تخلى كل حد فينا يعيش سعيد فى الدنيا مهما حصلله
انه يطلع الانسان اللى جواه
مش الانسان اللى بهت عليه الزمن بصراعاته و قرفه
فعلا كل واحد فينا جواه حد حلو أوى بس الحكيم فينا هو اللى يقدر يخرجه ويخليه هو الواجهة الحقيقية بتاعته
تسلمى يا هند على الكلمات دى :)
جزاكم الله كل خير يا إيمان :)
صح .. متفقه معاكي تماما .. الإنسان الجميل اللي جوانا هو اللي مفروض يخرج و يبان مش الإنسان اللي بهت عليه صراعات البشر و الناس و مشاكل الحياه ..
تسلمي يا إيمان :)
إرسال تعليق