الأربعاء، 25 نوفمبر، 2009

معركه حربيه ... من لا شئ !!


السلام عليكم

فتره طويله جدا لم أكتب شئ نظرا لإنشغالي بحاجااااات كتييييير و تغييييرات كتير اوي في حياتي ..

الاحداث الاخيره بين مصر و الجزائر خلليتني علي وشك الانفجار من كتر ما اتضايقت و اتحرق دمي وانا بتفرج علي المسلمين واقفين لبعض و ماسكين في خناق بعض وسايبين عدوهم الحقيقي واقف يتفرج عليهم و يضحك و يشتغل و يتقدم اكتر و اكتر واحنا اكبر همنا هوا الكوره و مين يتأهل لكأس العالم ..

علي اساس انه هايتأهل و يجيب لنا كأس العالم مثلا !!!!!

و مش هاتكلم كمان علي الإعلام في الطرفين -للاسف- اللي تسبب في إشعال الأزمه أكتر و أكتر -للاسف تاني- و تسبب في شحن الجماهير شحن رهيييييييييب و خللاهم في وضع استعداد
ولا كأننا رايحين نحارب إسرائيل مثلا !!!!

و لا عارفه اقول ايه علي كم الشتائم المهوول بين الطرفين

للدرجه دي !! احنا وصلنا للمستوي دا !!

طيب الاسلام بيعلمنا ايه ؟؟ و استفدنا منو أيه ؟؟

دا ابسط مبادئ الاسلام :
"" المسلم ليس بطعان ولا لعان ولا فاحش و لا بذئ ""
كما قال الرسول صلي الله عليه و سلم


شوية هدووووووووء يا ناس ونشغل عقلنا شويه
مين المستفيد من الفتنه دي ؟؟

طيب نفكر هوا اللي احنا متعصبين عشانه دا ... هوا دا الحل ؟؟
يعني لو كان الحل اننا نشتم و نتخانق كان زماننا رجعنا فلسطين من سنييييين و محدش غلب !!!



اخر حاجه هاقولها ....
المسلمين هايقفوا بكرا و بعده بين ايدين ربنا وقفة عرفه
لا فرق بين أي منهم إلا بالتقوي كما يقول رب العزه ..

هانقول لربنا ايه ؟؟
ونقول للرسول المصطفي ايه ؟؟

يارب ارحم المسلمين و وحد رايتهم
و جنبهم شرور الفتن

كفايه كدا بقي !!

ليست هناك تعليقات: